السلام عليكم
تكفين يا طيور حرار افزعيلي = ابي عن ديار الاهل منك الاخبار
تكفين حومي فوقهم وارجعي لي = والا ان حصل لك حومة داخل الدار
تكفين حول ابيوتهم دوري لي = سبعه فروخ يوم اخليهم صغار
شوفي ضناي وعودي وانكفي لي = وشلونهم يا علهم صاروا كبار
نسيوا دفاي ونومهم في شليلي = وش علمهم يا علهم طول الاعمار
قولي لهم أن امكم له عويلي = خمسة سنين دمعها دوم مدرار
وقولي لهم اني على طول ليلي = انوح وليا قرب الصبح انهار
وقولي عيونه دايم له هميلي = تبكي ليا شافت من الناس زوار
كل يوم اقول اغدي حديهم يجي لي = راحت سنيني ما بهم واحد زار
وانا اللي من سبعة سوات الحليلي = حالي تردت كل ماله وتنهار
وفرقى ضناي الليي تردت بحيلي = كنى على شوفتهم اصلى على نار
يا ويلي كان الله عجل رحيلي = وانا لي سنين ابي لو هي اخبار
يا عونة الله من يبي يرتكي لي = جارت علي بامر الولي كل الاقدار
تنكروا من يدخلون الدخيلي = واللي بوسط ديارهم يا من الجار
قولي لهم يا طيور قلبي عليلي = الله يكافي قلوبهم صارت احجار
وانا اللي لبراق الخيال استخيلي = واقول يا عل (.......) للامطار
تكفين وسط ديارهم صوتي لي = شوفي عسى لاسمي مع الناس تذكار
وقولي لمن نسيانهم يستحيلي = يا اللي نسيتوها ترى الوقت دوار
ياهيه يا اللي بالسما لك هديلي = ردي خبر تكفين يكفيني امرار
شوفي اكا اللي نومهم في شليلي = من اذانه المغرب الى وقت الاسحار
شوفي اكا اللي ما اهتني في مقيلي = الا بمقيل معهم كبار وصغار
وقولي لهم ان كان حملي ثقيلي= مره يجون وعقبها شي ما صار
وانا يتولاني كريم جليلي = يا علني في جنته وسط الابرار
وانشالله تعجبكم
وسامحوني
الرئيسية 
أحدث الصور 
التسجيل 
دخول 
الإثنين أكتوبر 08, 2007 1:24 pm
