ملاذ الروح .... للشاعر سطام الشلفان !!
________________________________________
لأقلت تكفى.. فـز لـي ألـف رجًـال
ذيبٍ و ربعـي كـل ابوهـم.. ذبابه
ادري.. ولكنَـي علـى الحال..أحتـال
مثـل المُسـن اللـي تصنًـع شبابـه
لا من نشد صاحبي كيف الأحوال؟؟
عقلي تبرمـج دايمـآ .. بالإجابة..
أبشَرك مبسـوط.. ويسـرًك الحـال..
وأحاول اخفـي ضيقتـي.. بالذرابـه
و إنا لهـا.. والمتـن للحمـل شيًـال
والقلب .. غير الله مـا احـدٍ يهابـه
أضعف.. و امثَل قوتـي.. زي تمثـال
شامخ.. ولو هالراس بالجد.. ما بـه
إلا.. ضغوط.. و زعزعة فكر.. وآمال
وصراع ما بيـن الفـرح.. والكأآبـه
والحين إنا.. لياقتي بالصبر .. عـااال
لو كل مـن حولـي نهشنـي بنابـه
ما أقول تكفى.. بس .. لو قلت!! تنقال
لك.. يا بعـد كـل الاهـل و القرابـه
لك يا شعور العز.. و الجاه.. و المال
والذوق.. و الفكر النقي.. و الحبابـه
إنا اشهد ان ما كـل الازوال... أزوال
و لوها تشابه.. انت ما لـك مشابِـه
إنت الغلا.. وانت السعد.. وانت الآمال
وانته دعاء أمي.. بوقـت استجابة
عقلي.. بنا لك داخـل القلـب منوال
تسكن و ما احدٍ قبل مشيك.. مشى به
ملاذ روحي لا بـلا الحـال... زلـزال
و إن ضاق وقتي شفت.. فيك الرحابه
بطلبك.. يا عشقي.. و يا رااااحة البال
أرجوك.. و بجاه النبـي و ألصحابه
انك تغاضى... لو بدى منـي إهمال
و عقلي سرح.. في عزلته.. و أبغيابه
في عزلتي.. ابحث مخارج.. و مدخلا
و أحاول اكشف حل..!! و انزع نقابه
أسرني الهواجس والفـال.. مـا زال
أقشر.. و هاله وجاس.. ينهب نهابـه
مشغول في نفسي.. و لأنيب محتـال
والله يجعـل كـل ضيـق... أبثوابه
هذا اعتذاري قول.. وإبشـر بالأفعال
والله.. لأعوض خافقا مـا عنـا بـه
انشااااااا الله تنال اعجابكم
مثل ما اعجبتني
ويعطيك الف عافيه
[i][center]
الرئيسية 
أحدث الصور 
التسجيل 
دخول 
الأربعاء سبتمبر 26, 2007 8:02 pm
