علاقة الاخوة بين الولد والبنت .. شنو رايكم ؟؟

شخباركم ...؟؟

[color:bd4c=#ff0000:bd4c]
انزيــــــــــــــن..
بنتكلم في هالموضوع عن ظاهره منتشره هالايام
اللي هيه ان البنت تكلم الولد على اساس الاخوه
قال الرسول (ص)
( ماخلا رجل بامراة الا وكان الشيطان ثالثهما )
الحين بذكر لكم راي وحده من بنات ديرتنا و رايها
و عقب ماتجوفون رايها نحب نسمع رايكم

تقول
في عطلت الربيع شاركت في معسكر شبابي .... انزين المهم .. وكان المعسكر حق البنات .. يعني المركز مخصصين ايام حق البنات و ايام حق الصبيان .. بس كان ويانا جم متطوع .. 2 من المتطوعين انه كنت اعرفهم معرفة سابقة من المركز و البرام اللي اشتركت فيها .. انزين ..و واحد منهم كنت اعتبره اخوي الكبير (( اهو اكبر مني بسنتين )) انزين .. فكنت طوول الوقت وياه و كنا وايد نسولف ويا بعض.. المهم .. كمل المعسكر والكل رجع بيته .. و انا كنت اتواصل معاه و مع البنات و العضوات المشاركات في المعسكر بالماسنجر ..
وصار يوصلني حجي ان في بنات هناك الفو قصص و روايات و حجي واايد عوود . انه احنا عايشين قصة حب.. و لكن اللي كان بيني وبينه .. (( اخوة )) . (( يعني ليش الاوادم ما يفهموون)). فهني انه عصبت لأن انه ما احب احد يقول عني شي مو صج .. ولا يتحجى علي بذي الطريقة ..
انزين مرت الايام وانه حليت الموضوع ..
بس كان الموضوع طااق في راسي الا اطرحه في المنتدى ..
كان هاي السؤال في بالي ...
[/size]ليش الكل يضن ان اي بنت تقعد او تسولف مع صبي انه " حبيبها " او اهيا " حبيبته" ..؟؟
و ليش المجتمع العربي ما يتقبل العلاقة بين البنت والولد ؟؟
مع اني اضن ان علاقة البنت بالصبي كصداقة عادية .. تكوون وااااااااايد اقوى من علاقة البنت بالبنت .. لأن النت عندها مشكلة انها ما تقدر تخش اي شي عن صديقتها .. و بعدين اذا تهاوشو تقوم ذيج وتفضحها.. و جذي اما الولد احس انه يحفظ الاسرار .. و يخاف عليج من اي شي ..
يعني مثلا انه وحدة ما عندي اخوان . . لكن عندي اخوان " اصدقاء" والله احس ان اذا الله عطاني اخو مستحيل يكوون مثلهم في كل شي او في شي واحد ..

السؤاااال هني.. .
شنو رايكم ...
في علاقة البنت بالولد .. علاقة صدااااقة او اخوة .. اللي اهوة ..؟
و ليش الكل يضن انه مستحيل تصير علاقة اخوة بين البنت والولد . .؟؟

الحين

[size=12]المطلوب منكم

اتوضحون اذا كان هالشي صح الي تسويه او غلط

و تقولون الاسباب

و اذا كنتو تأيدون هالشي او لا

و قط صادتكم مواقف جذي؟؟

ننتظر آرائكم

و مشكورين

مونز

شلونج موونز ؟

شكرا على طرح هذا الموضوع

للأسف هالشي مايمشي عندنا في البحرين .. لأن مهما توهمت البنت ان اللي بينها وبينه صداقه واخوه لازم هالشي يتغير
والمشاعر تتبدل
يمكن عند الاجانب هالشي عادي ويقدرون يصيرون ربع عاادي لكن اهني لا مافي صداقه بين البنت والولد
وانا اكلمج عن تجربة ناس وايد اعرفهم وكلهم كانو يقولون "احنا مثل الاخوان"
وبعدين هالشي مايتقبله مجتمعنا يعني مثل ماقالت البنت اللي طرحتي تجربتهه .. ان البنات كانو يطلعون عليهم حجي ويقولون انه حبيبها
فيعني الوحده احسن لها تتجنب حجي الناس ولا تعتقد ان كل الناس بيفهمونها لأن مستحيل يصير هالشي

ان شاءالله فهمتي قصدي ومسامحه على التخربط

بخير الحمدلله
--

مشكوره حبيبتي على ردج

و احترم رايج

بالعكس كلامج درر Razz

ثنكيو على المروور

ننتظر البقيه

قوة شخبارج مونزوو..

؟

شمسويه ؟

مشكورة عله الموضوع الفلته ومااتقصرين والله ..

رايي من راي الي فووقي نودلزووووووو

بس شسمه .. يعني مثلا انا مشاركه في معهد لو معسكر او في الجامعه ..

غصبا عليي باختلط ويا الصبيان .. يعني شي مستتحيييييل انج ماتتحجين معاهم كلش !

يعني انتي اوكي صيري معاهم بس في غضون المكان و الموضوع الي يجمعكم .. مثلا في الجامعه .. بس عن الدراسه تسولفون وجي ..

ان مثلا ما تطلع وياه برع كـ صديق او حته ماتمشي وياه في وقت البريك .. وهلون

مجرد داخل حدود الصف وهاي مثال واحد ..

وصح كلام نودلز مجتمعنه مايتقبل هالفكره ومهما صار بيظلون يتحجون ويتحجون وعمرهم ماراح يفهمون معنه الصداقه والاخوه بين الاثنين

وشككككككككرا

Demonica

ماقصرتي حبيبتي على ردج

صح كلامكم .. مجتمعنا مايتقبل هالفكره

و الناس لسانها ياكلها اذا ماتكلمت

لازم تعقر لان لسانها يعورها اذا ماتكلمت في احد

فليش انخلي روحنه عرضه حق هالشي؟؟

ننتظر البقيه =)

مونز

</BLOCKQUOTE></BLOCKQUOTE>

السلااام

ثانكس على الموضوع يالغاليه

احم .. باتفلسف شوي بدال ام علوووي =P

أولا: قدوتنا و حبيبنا المصطفى صلى الله عليه و سلم لم يحرم الاختلاط ولكنه وضع أسس و ضوابط هذه العملية .. فكانت النساء يتوجهن إليه طلبا للفتاوى و غيرها .. و هذا دليل قطعي على عدم حرمة الاختلاط.

ثانيا: حرف مفهوم الاختلاط ضمن الأطر و الضوابط إسلامية ليستهلك كسلعة يتدثر بها كل مشبوه .. فأخذ هذا يتعلل بأحاديث الرسول لحاجة في نفسه و آخر لتحقيق مأرب من آربه .

ثالثا: (( أمة وسطا )) ولكننا اليوم و لشد ما يؤسفني .. أن الملتزم منا عنيف في تشدده .. و المنحرف منا عظيم في انحلاله .. فالملتز يحرم الاختلاط مع عدم وجود دليل شرعي على ذلك بل على العكس تماما .. فقد خالط الرسول صلى الله عليه و سلم نساء قومه يفتيهن في امور دينهن و دنياهن .. و أما المتزمت فهو أشد وطأة .. فقد أحل الحلال و الحرام .. و ألغى لائحة الضوابط من قاموس مفرادته .. و استأثر الزندقة على دين الاسلام .. فقد جمع ما لذ له من أسس و اتخذها منهاجا .. فأين الأمة الوسط ؟؟.

رابعا: لكل زمان و مكان عادات تحكمه .. ففي زمن الحبيب المصطفى لم تكن النساء يعملن أو يخرجن من بيوتهم إلا لحاجة ماسه ..و لكن الوضع اليوم يختلف .. فالمرأة عاملة و قائدة و مستاشرة و وزيرة .. و بحكم الطبيعة العملية التي تفرضها عليها الحياة يتوجب عليها الاحتكاك بجميع أصناف البشر الرجل منهم و المرأة .. و التواصل معهم لأداء الأعمال المنشوده .. فلماذا هذه النظرة الدونية للمرأة التي يوجب عليها عملها الاحتكاك بالرجل ؟؟.

خامسا: تجد الفتاة نفسها أحيانا مرغمة على مزاملة أحد ما و خاصة في الرحلات و الدراسة أو حتى التنظيم لإحياء المهرجانات في الأعمال التطوعية و غيرها .. و تجدها مضطرة إلى التواصل مع غيرها من الجنس الآخر .. بحدود الاحترام المتبادل .. فما الذي يمنع الاختلاط المحترم بين الجنسين مع وجود الثقة ؟؟.

سادسا و أخيرا : قد يطلق الناس العنان لألسنتهم بالهذيان .. فؤلائك وزرهم عليهم .. ولكن حديثي موجه للتي جعلت الصداقة بين الجنسين ستارا لما خفي .. فلك أن تتقي الله .. و تجعلي الجنة هدفا نصب عينيك .. و تبتعدي عن كل ما قد يثبط أهدافك السامية .

السموحه على القصور <<< أي قصور إلا على الطوالة و انتي الصاجه =P

تسلمين يالغاليه

سيم سيم حجي فووووق

هاي اقنع رد جفته اصراحه

المشتاقة للجنان

ماقصرتي يالغالية على مرورج الاكثر من رائع

كفيتي ووفيتي =)

يسلمو

مونزو

اي والله

في البحرين وبصورة عامة في الخليج<<لانهم مو شايفين خير لانهم اصلن الاهل مو راضيين عبالهم ان السالفة مو زينة<<واصلن الاصبيان هم الي يخربون على روحهم من التصرفات المو زينة منهم

لكن الغرب والله عااادي

وصراحة انه احسه عادي دام ان مافي شي حرام او غلط يسوونة <<عاادي مافيها شي

ويسلمو ختي على الطرح الحلو منج

ثنكيو مس غيوره على المرور الحلو =)

نورتينا

انتي سؤالج عن ان ليش في المجتمع العربي يرفضون هذه الظاهرة

على ما اظن ان اهم يشوفون ان يمكن تتطور العلاقة مابينهم من علاقة اخوة الى علاقة اخرى او ماشابه ذللك

وخصوصا اذا كانوا في السن الحرج

وانا حسب رايي ان مو من المفروض تكون علاقة بين الولد و البنت ومثل كلام المشتاقة ان قدوتنا هو حبيبنا محمد صلى الله عليه وسلم واهو ما كان يرضي العلاقة بين الولد والبنت

بل هو نهى عن هذا الشى مثل ماقال في الحديث الفوقي

ومن الممكن ان البنت تنظر الى هذه العلاقة انها علاقة اخوة لا غير لكن الولد ياخذه علاقة غير

ومشكورة مونز على الموضوع الرائع

وسلامتكم

مس قطوه

شكرا على ردج الحلو و المقنع

جراج الله خير

شكرا على طلتج

Mo0oNzZ

انا صراحة احس ان علاقة الأخوة حدها طبيعية وبالعكس تعلم الشباب اشلون يتعاملون مع الجنس الآخر ويعطيهم اسلوب راقي في الحوار

وما يعجبووني الناس اللي يروح فكرهم بعيد على أقل شي ...

بس بعد البنت مو تيلس تمصخها وتقول طلعوا علي حجي يعني كلشي باعتدال

بس مثل ما قلت انا ما اشد المؤيدين للعلاقة ( الأخوية ) بين الجنسين

اممم انه اعتقد تعرفوون راايي Razz

انه الصرااحة اؤيد الصداقة بين الجنسيين

بس اكييد لاازم مايتعدوون الحدوود

يعني مثل ماقالت ديمو اذا كنتي في معهد او جامعه او نادي

لازم بتتكلميين معااهم

وبتاخذين و تعطين معاهم

واصلااا الناس مابيطلعوون علييج حجي اله اذا مصختيها واايد معااه

بس اذا كنتي محترمة رووحج مابيصير شيي

هااي رااييي Cool

وبسسسس

وثانكس ع الموضوووع

Antika كتب:: اممم انه اعتقد تعرفوون راايي

انه الصرااحة اؤيد الصداقة بين الجنسيين

بس اكييد لاازم مايتعدوون الحدوود

يعني مثل ماقالت ديمو اذا كنتي في معهد او جامعه او نادي

لازم بتتكلميين معااهم

وبتاخذين و تعطين معاهم

واصلااا الناس مابيطلعوون علييج حجي اله اذا مصختيها واايد معااه

بس اذا كنتي محترمة رووحج مابيصير شيي

هااي رااييي

وبسسسس

وثانكس ع الموضوووع

صح صح

خخخخخخخخخخخخخ

ادري انه صح Cool

يله خذ

اشكركم على تواجدكم بالموضوع

احترم رايكم

» ابي رايكم فيهم
» في احد دول الخليج: اغرب زواج ّّ و ابي رايكم